تاريح بەتتەرى اشىلدى. وبلىس ورتالىعىنداعى مەملەكەتتىك ارحيۆ باسقارماسىندا ساياسي قۋعىن-سۇرگىن كەزەڭىنە قاتىستى قۇندى مالىمەتتەر ساقتاۋلى. ارحيۆ قىزمەتكەرلەرىنىڭ ايتۋىنشا, 1989 جىلدان باستاپ ستاليندىك قۋعىن-سۇرگىنگە ۇشىراعان ادامداردىڭ جەكە تەكتىك قۇجاتتارىن جيناۋ باستالىپتى.
سوندىقتان الدىمەن ساياسي قۋعىن-سۇرگىنگە ۇشىراعانداردىڭ ىستەرى مەن قۇجاتتارىنىڭ جيناعى جاسالدى. جيناققا 400-دەن اسا نەگىزسىز قۋعىن-سۇرگىنگە ۇشىراعان ادامدار جونىندە دەرەكتەر ەنگەن. 1999 جىلى وبلىس مەملەكەتتىك ءارحيۆى ۆ. بولتينا, ل. شەۆەلوۆانىڭ «ازالى كىتاپ. اتىلعاندار ءتىزىمى» اتتى كىتابىن جارىققا شىعاردى. جالپى, كىتاپقا قۋعىن سۇرگىنگە ۇشىراعان, جاستارى 18-دەن 82 جاس ارالىعىنداعى 810 ادام جايلى مالىمەت بار.
2014 جىلى ماسكەۋدەگى «مەموريال» حالىقارالىق تاريحي, قايىرىمدىلىق قوعامىنان جەرگىلىكتى وبلىستىق ارحيۆىنە ساياسي قۋعىن-سۇرگىنگە ۇشىراعاندار جايلى قۇندى قۇجاتتار بەرىلىپتى. ۇرپاقتارى ءۇشىن عيبرات. بۇل قۇجاتتاردىڭ بىرىندە جۇسىپبەك ايماۋىتوۆتىڭ قاماۋدا بولعان كەزدەگى فوتوسۋرەتى بار.
بۇگىندە وبلىس ورتالىعىندا الاشتىڭ ايبارلى ۇلى جۇسىپبەك ايماۋىتوۆقا ەسكەرتكىش ورناتىلعان. ۇرپاقتارى ءتاۋ ەتىپ, تاعزىم جاساۋدا.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن ەرمەك ەلەمەس
